பணத்தகராறு ; கூரிய ஆயுதத்தால் தாக்கி சகோதரர் உயிரிழப்பு!


பணத்தகராறினால் இரண்டு சகோதரர்களுக்கிடையே ஏற்பட்ட வாக்குவாதம் முற்றியதில், மூத்த சகோதரர் கூரிய ஆயுதத்தால் தம்பியைத் தாக்கி கொலை செய்துள்ளதாக பொலிஸார் தெரிவித்தனர்.

ஜா - எல பொலிஸ் பிரிவுக்குட்பட்ட ஏக்கல, சாந்த மேத்யூ மாவத்தை பகுதியில் நேற்று செவ்வாய்க்கிழமை (01) இந்த சம்பவம் பதிவாகியுள்ளது.

உயிரிழந்தவர் ஏக்கல, சாந்த மேத்யூ மாவத்தையைச் சேர்ந்த 24 வயது இளைஞர் என தெரியவந்துள்ளது.

ஏக்கல பகுதியைச் சேர்ந்த 35 வயதுடைய சந்தேகநபர் கைது செய்யப்பட்டுள்ளார்.

மேலும், சம்பவம் தொடர்பில் ஜா - எல பொலிஸார் மேலதிக விசாரணைகளை மேற்கொண்டு வருகின்றனர்.