சர்வதேச ஆராய்ச்சி மகாநாட்டிற்கு இலங்கை அணியின் தலைவராக பட்டிருப்பு தேசிய பாடசாலை - களுவாஞ்சிகுடி ஆசிரியர் செல்வராஜா தேவகுமார்.

தாய்லாந்து நாட்டில் எதிர்வரும் ஏப்ரல் 5 - 11 வரை நடைபெறவுள்ள சர்வதேச இளம் விஞ்ஞானிகளின் ஆராய்ச்சி மகாநாட்டில் நடைபெறவுள்ள போட்டி நிகழ்வுகளில் பங்குபற்றச் செல்லும் இலங்கை அணியின் தலைவராக மட்/பட்டிருப்பு தேசிய பாடசாலை - களுவாஞ்சிகுடி இரசாயனவியல் ஆசிரியர் செல்வராஜா தேவகுமார், தேசிய விஞ்ஞான மன்றம் மற்றும் கல்வி அமைச்சினால் தெரிவு செய்யப்பட்டுள்ளார்.

இவர் தலைமைதாங்கும் இலங்கை அணியில் இலங்கையின் பிரபல பாடசாலைகளைச் சேர்ந்த 6 மாணவர்கள் உள்ளடங்குவார்கள். இவர்கள் சர்வதேச இளம் விஞ்ஞானிகளின் ஆராய்ச்சி மகாநாட்டில் நடைபெறவுள்ள போட்டி நிகழ்வுகள் மற்றும் இதர நிகழ்வுகளிலும் பங்குபற்றவுள்ளனர்.

மேலும், சர்வதேச ஆராய்ச்சிக் குழுவினால் செல்வராஜா தேவகுமார் ஆசிரியரை அங்கு நடைபெறவுள்ள பல்வேறு போட்டி நிகழ்வுகளுக்கு நடுவராக பணியாற்றவும் அழைக்கப்பட்டுள்ளார் என்பது குறிப்பிடத்தக்கதாகும்.