மட்டக்களப்பு - கரடியனாறு, வெல்லாவெளி, களுவாஞ்சிகுடியில் இரு தினங்களில் 18 மாடுகள் திருட்டு ! | Battinews.com

மட்டக்களப்பு கரடியனாறு, வெல்லாவெளி, களவாஞ்சிக்குடி பொலிஸ் பிரிலுள்ள பிரதேசத்தில் கடந்த இரு தினங்களில் 7 பசுமாடுகள், 11 எருமை மாடுகள் உட்பட 18 மாடுகள் திருட்டுப் போயுள்ளதாக இன்று சனிக்கிழமை (12) பொலிஸார் தெரிவித்தனர்.

கரடியனாறு பொலிஸ் பிரிவில் கடந்த வியாழக்கிழமை இரவு 11 எருமை மாடுகள் காணாமல் போயுள்ளதாக பொலிஸ் நிலையத்தில் மாட்டின் உரிமையாளர் முறைப்பாடு செய்துள்ளார்,

இதேவேளை கடந்த வியாழக்கிழமை (10) வெல்லாவெளி பிரதேசத்தில் 3 பசுமாடுகளும், நேற்று வெள்ளிக்கிழமை (11) ஒரு பசுமாடு உட்பட 4 மாடுகளும் களுவாஞ்சிக்குடி பொலிஸ் நிலைய பிரிவில் 3 பசுமாடுகளும் காணமல் போயுள்ளன.

இந்த திருட்டுச் சம்பவம் தொடர்பாக அந்தந்த பொலிஸ் நிலைய பொலிஸார் விசாரணைகளை மேற்கொண்டு வருகின்றனர்.