.jpg)
கொழும்பில் இருந்து மட்டக்களப்பு பிராந்திய சுகாரா திணைக்களத்திற்கு திரிபோச பக்கற்றுக்கள் அனுப்பிவைக்கப்பட்டது.
இந்நிலையில், கடந்த 5 ம் திகதி நிறுத்தி வைக்கப்பட்ட சரக்கு ரயில் பெட்டியை உடைத்து 750 திரிபோச பக்கற்றுக்கள் திருட்டுப்போயிருந்த நிலையில் 7ம் திகதி பொலிஸ் நிலையத்தில் முறைப்பாடு செய்தனர். இதனையடுத்து, திருடப்பட்ட திரிபோச பக்கற்றுக்களை இருவர் விற்பனை செய்துவருவதாக பொலிஸாருக்கு தகவல் கிடைத்தது.
இந்நிலையில்,மட்டு தலைமையக பொலிஸ் நிலைய பெரும் குற்றத்தடுப்பு பிரிவு பொறுப்பதிகாரி ஜி.எம்.எஸ்.கயநாயக்கா தலைமையிலான பொலிஸார் சம்பவதினமான நேற்றைய தினம் இரவு கருவப்பங்கோணி மற்றும் கூழாவடி பிரதேசத்தைச் சேர்ந்த 30 வயதுடைய இருவரை அவர்களது வீடுகளில் வைத்து கைது செய்ததுடன் திருடப்பட்ட சிறியளவிலான திரிபோசமா பக்கற்றுக்களை மீட்டுள்ளனர்.
இதில் கைது செய்தவர்களை இன்று திங்கட்கிழமை (13) மட்டக்களப்பு நீதவான் நீதிமன்றில் ஆஜர்படுத்தபடவுள்ளதாக பொலிஸார் தெரிவித்தனர்.
