(மண்டூர் ஷமி)மட்டக்களப்பு மாவட்டத்தில் களுதாவளை பிரதேசத்தில் பச்சை மிளகாய்களின் மொத்த விலைகள் குறைந்துள்ளதாக மிளகாய் செய்கையாளர்கள் கவலை தெரிவித்துள்ளனர்.
அதிகளவிலான முதலீடுகளை இட்டு தங்களால் செய்கை பண்ணப்பட்ட பச்சை மிளகாய்களின் மொத்த விலைகள் குறைவடைந்துள்ளதாகவும் தங்களிடம் மொத்த வியாபாரிகள் (1 கி.லோ) 90 ரூபா முதல் 100 ரூபாவிற்கு பெற்றுச் சென்று அவர்கள் விற்பனை செய்கின்றதாகவும் தாங்கள் செய்கைக்காக இட்ட முதலீடுகளை இந்த விலைகள் குறைவடைந்ததனால் பெறமுடியாத நிலை ஏற்பட்டுள்ளதாக அவர்கள் கவலை தெரிவித்துள்ளனர்.காரணம் களுதாவளை பிரதேசத்தில் அமைந்துள்ள பொருளாதார மத்திய நிலையம் செயற்படாமையே இதற்கான ஒரு காரணம் எனவும் அவர்கள் தெரிவித்துள்ளனர்.
எனவே சம்மந்தப்பட்ட அதிகாரிகள் தங்களின் பச்சை மிளகாய்களை நியாயமான விலைக்கு விற்பனை செய்ய உரிய நடவடிக்கை எடுத்து தரவேண்டும் எனவும் அவர்கள் கோருகின்றனர்.
.jpeg)
