மட்டக்களப்பு பேத்தாழை பொது நூலகத்தின் ஏற்பாட்டில் வீதியோர நாடகம் நேற்று (26) நடைபெற்றுள்ளது.
மேற்படி வீதியோர நாடகம் வாழைச்சேனை பிரதேச சபை அலுவலகத்தின் முன் வளாகத்தில் பிரதேச செயலாளர் எஸ் எம் சிஹாப்தின் தலைமையில் இடம்பெற்றுள்ளது.
தேசிய வாசிப்பு மாதத்தை முன்னிட்டு மாணவர்கள் மற்றும் பொதுமக்களிடையே வாசிப்பு பழக்கத்தை அதிகரிப்பதற்காக குறித்த விழிப்புணர்வு நாடகங்கள் ஒழுங்கு செய்யப்பட்டிருந்தது.
கல்குடா கல்வி வலயத்திற்கு உட்பட்ட கிரான் மத்திய கல்லூரி, பேத்தாழை விபுலானந்தா கல்லூரி மற்றும் வாழைச்சேனை இந்து கல்லூரி ஆகிய மூன்று பாடசாலை மாணவர்கள் வாசிப்பின் மகத்துவத்தினை வெளிப்படுத்தும் வகையிலான நாடகங்களை நடித்துள்ளனர்.
வாழைச்சேனை கோறளைப்பற்று பிரதேச சபை செயலாளர் எஸ் எம் சிஹாப்தின் தலைமையில் இடம்பெற்ற நிகழ்வில் வாழைச்சேனை பொது நூலக உத்தியோகத்தர்கள், பேத்தாழை பொது நூலக உத்தியோகத்தர்கள், வாழைச்சேனை பிரதேச சபை உத்தியோகத்தர்கள், ஊழியர்கள், பாடசாலை ஆசிரியர்கள், மாணவர்கள் மற்றும் பொதுமக்கள் எனப் பலரும் கலந்து கொண்டனர்.
.jpg)
.jpg)
